Тен Хаг: Санчо нема да игра против Барнли. Самиот е виновен за тоа

Манчестер Јунајтед денеска ќе игра против Барнли во натпреварот од англиската Премиер лига, а во составот ќе го нема Џејдон Санчо, англискиот фудбалер кој се судри со тренерот и беше отстранет од тимот.

Ерик тен Хаг изјави дека Санчо за ова е самиот виновен.

Тренерот на англискиот гигант неодамна јавно го критикуваше 23-годишниот крилен напаѓач и истакна дека поради недоволно залагање на тренинзите не конкурира за првиот тим. Потоа, Санчо се огласи на социјалните мрежи за да ја каже својата страна од приказната.

Санчо тврди дека неговата работа на тренинзите од првиот ден била соодветна и задоволителна и дека Тен Хаг го прави жртвено јагне. Неодамна Тен Хаг даде краток одговор на новинарско прашање дали Санчо некогаш повторно ќе заигра за Јунајтед. “Не знам.”