Струга со минимална предност против Пјуник🎥

Македонскиот шампион Струга Трим Лум го победи Пјуник со 2-1 во првиот меч од второто квалификациско коло во Конференциската лига.

Натпреварот кој се играше во Охрид на стадионот „Билјанини извори“ почна возбудливо и Струга уште во 8-та минута дојде до предност. Судијата покажа на белата точка, а сигурен реализатор беше Ибраими.

Пјуник израмни исто така од пенал. Кехинде удри со лакот противнички фудбалер, а Лукас Вилјела израмни во 23.минута.

Во 60.минута Пјуник остана со фудбалер помалку, а Струга бројчаната предност ја материјализира во 73-та минута со прекрасниот гол на Спирковски.