Дома Фудбал Италија Стигна потврда: Серија А нема да биде прекината

Стигна потврда: Серија А нема да биде прекината

Иако имаше такви најави сепак сега министерот за спорт на Италија, Виченцо Спадафора потврди дека италијанската Серија А не е во ризик да биде прекината.

Ваквите најави се појавија после хаосот со позитивни случаи во Џенова и неодигрувањето на дербито Јувентус – Наполи затоа што гостите не се појавија во Торино. Од Наполи тврдеа дека локалните здравствени власти им забраниле да патуваат, додека тие се огласија и порачаа дека станувало збор само за препораки, а не забрана. Наполи сега тој натпревар веројатно ќе го изгуби со службени 3:0, но постои можност и бодовно да бидат казнети.

Како и да е првенството нема да се прекине.

„Нема ризик од прекин на Серија А. Има протоколи кои треба да се следат, а доколку се промени епидемиолошката слика ние како Влада спремни сме нешто да промениме. Локалните власти би можеле да реагираат во „посебни случаи“ и најважно е да се интервенира после посебни барања, иако сето тоа може да биде компликувано. Јас мислам дека ако сите се грижиме за почитување на протоколите нема да имаме проблеми“, изјави Спадафора.

Коментари
Прочитајте поврзани статии
Load More In Италија

Проверете

Михајловиќ за „кртот“ во соблекувалната: Ќе го обесам на ѕид

Тренерот на Болоња, Синиша Михајловиќ вели дека има „крт“ во собчекувалната и во моментов …