Статистиката го демантира Пикси: Физичката подготвеност не била проблем за Србија

Репрезентацијата на Србија го заврши настапот на Светското првенство уште во групната фаза и тоа беше големо разочарување со оглед на очекувањата пред првенмството.

Србија групната фаза ја заврши на последното место со само еден освоен бод. Селекторот Драган Стојковиќ-Пикси на прес-конференцијата после Мундијалот многу зборуваше за физичката подготвеност и тоа го истакна како најглавна причина што Србија не стигнала подалеку.

Сепак, ако ја погледнеме статистиката и претрчаните километри ќе се запрашаме дали е навистина така. Српските фудбалери во секој натпревар претрчале повеќе од противникот.