Сити веќе ја најде замената за Родри

Манчестер Сити остана без еден од најважните фудбалери, Родри, кој заработи тешка повреда и ќе паузира до крајот на сезоната.

Поради тоа „граѓаните“ веднаш ја почнаа потрагата по негова замена во зимскиот преоден рок, а англиските медиуми пренесуваат дека најголема желба на е Мартин Зубименди од Реал Сосиедад.

Реал Сосиедад досега одбиваше понуди за 24-годишниот фудбалер, но Зубименди има откупна клаузула од 60 милиони евра, која Сити е спремен да ја плати.

Шпанецот ова лето го одби Ливерпул, но сега е спремен да се пресели во Премиер лигата и сака да игра за тимот на Гвардиола.