Руни: Посакував да играм за Барселона

Поранешниот напаѓач на Манчестер Јунајтед, Вејн Руни откри дека пред 10 години посакувал да потпише за Барселона и да игра заедно со Меси.

Руни во 2010. година беше пред заминување од Олд Трафорд, поднесе и барање за трансфер, но на крајот се предомисли и остана во Манчестер.

„Во тоа време Барселона, Реал Мадрид, а мислам дека и Манчестер Сити беа заинтересирани за мене, но тие никогаш не беа опција. Сакав да играм за Барселона, но поблиску бев до трансфер во Мадрид.“ – рече Руни и додаде:

„Се сеќавам еден ден седнав и размислував „замисли да играм во тој тим на Барселона заедно со Меси, Чави, Иниеста и Бускетс. Сепак, на крајот се предомислив и одлучив да потпишам нов петгодишен договор со Јунајтед.“