Лионел Меси се врати во репрезентацијата за настап на тековното Светско првенство, откако на претходното во Катар стана светски шампион и на тој начин ја комплетираше својата кариера.
Како ПАМЕТНО да типувате на World Cup 2026!
Сепак, имаше уште нешто да каже, откако на овој Мундијал го постигна својот прв хет-трик и стана најдобар стрелец во историјата на натпреварувањето, ги надмина Мирослав Клосе.
Сега изгледа му се уште игра, откако веќе нема какви достигнувања да брка.
– Сè зависи од тоа како се чувствувам, како сум физички и дали сум реален кон себе. И да знам дали сум способен да се натпреварувам и да им помагам на соиграчите кои се покрај мене, рече 39-годишниот Меси, пренесува специјализираниот “Goal.com”.
Јасно потврди дека нема намера да прекине со професионалното играње фудбал.
– Да, да… Ќе продолжам уште некое време, всушност сè додека можам да придонесувам, додека се чувствувам добро физички и додека им помагам на соиграчите… Ќе продолжам да играм, не остави дилема Меси, истакнувајќи дека постои можност да го видиме на следното Светско првенство за четири години:
– Малку сум постар, но и натаму можам да правам добри работи. Нема да кажам дека нема да бидам таму, затоа што во фудбалот сè се менува, откри Меси.
Учество во игри на среќа е дозволено за лица со 18+ години. Играј одговорно!