Зошто швајцарскиот селектор одеднаш ја смени маицата на почетокот на натпреварот?

Швајцарија со победата против Канада од 2:1 го обезбеди првото место во групата и пласманот во осминафиналето на Светското првенство. По натпреварот, швајцарскиот селектор Мурат Јакин ги сподели своите импресии со швајцарските медиуми и го објасни причината за промена на маицата пред почетокот на натпреварот.

„Малку си ја отежнавме работата сами. Сепак, денеска беше тимска работа. Одлично влеговме во второто полувреме и постигнавме два гола. Противникот потоа се отвори, внесе офанзивни играчи и тоа малку ја усложни ситуацијата. Лесно ја губевме топката и така им враќавме надеж. Но на крајот успеавме да го завршиме натпреварот, што е најважно. Сега можеме да уживаме во комплетната слика што сме на првото место“, изјави Јакин.

Од бела до црна маица

Пред почетокот на натпреварот се случи неочекувана сцена. Јакин беше покрај клупата на Швајцарија во бела маица, но кога судијата Рамон Абати Абел го даде сигналот за почеток на средбата, тој веќе беше во црна маица. Објасни што точно се случи.

„Ми пријде четвртиот судија, бидејќи и Канаѓаните носеа бела опрема. Не сакав да создавам бројчана предност за Канаѓаните (со смеење). Но, имав доволно опрема со себе.“