Ракометната бајка продолжува: ПСЖ е на колена, Алборг е во финалето на ЛШ!

Ракометната бајка од Данска продолжува. Ракометарите на Алборг се први финалисти во ЛШ!

Во полуфиналето на Ф4 турнирот во Келн, Алборг го совлада моќниот ПСЖ со 33:35.

Почетокот на натпреварот донесе одличен ракомет. Се играше борбено со убави потези, а на средината од првиот дел ПСЖ прави мини серија и на одмор заминува со 15-13.

Во продолжение Парижаните подобро го отворија натпреварот, стигнаа до +5, но неверојатните ракометари на Алборг се вратија во натпреварот.

Данскиот клуб прави серија од +6 и во 54. минута доаѓа до водство од 27:28.

Во завршницата подобро се снајдоа ракометарите на Алборг за конечни 33:35.

Во второто полуфинале ќе се сретнат екипите на Барселона и Нант на Кире Лазаров.