По раните елиминации на Синсинати и УС опен, сè повеќе се говори за иднината на Новак Ѓоковиќ и прашањето колку уште долго најдобриот тенисер на сите времиња ќе остане на теренот.
На таа тема се огласи и славниот американски тенисер Џон Мекинроу, кој смета дека се приближува крајот на една голема ера.
– Од една страна, сфаќате дека годините очигледно го стигнуваат, како што на некој момент стигаат секој спортист. Од друга страна, имаше неверојатен ред. Го победи Синер во Австралија, стигна до финале, го зеде првиот сет против Алкараз и играше одлично. Потоа стигна до полуфиналето на Вимблдон. Затоа, она што го видовме во првото коло на УС опен беше шокирачко – рече Мекинроу.
Американецот смета дека Ѓоковиќ сè уште има желба за големи резултати, но дека ни тој не може да избега од годините.
– Времето е непобедливо. Не знам што ќе се случи понатаму. Сигурен сум дека интензивно размислува за следните чекори, но не верувам дека би сакал да замине на ваков начин. Што и да го прави среќен – тоа треба да го направи – истакна Мекинроу.
Учество во игри на среќа е дозволено за лица со 18+ години. Играј одговорно!