Oфицијално: Најдобриот голман во светот потпиша за Алборг!

Најдобриот голман во светот, Никлас Ландин од летото 2023 година ќе го чува голот на Алборг. Данскиот голман имаше договор со Кил до 2025, но тој ќе биде прекинат и од наредната сезона ќе го гледаме на голот на Алборг.

Ландин има 33 години и во Кил е од 2015 година, со германскиот тим успеа да освои многу трофеи, а откако се беше официјализирано Ландин истакна задоволство од потписот.

„Поминав одлични години во Германија, но мислам дека најдобро за мене и семејството е враќањето во Данска. Освен тоа Алборг има големи амбиции и верувам дека направив одлична одлука. Импресиониран сум и едвај чекам да станам дел од големиот проект“, изјави Ландин.

Алборг за наредната сезона спрема страшен тим, во овој тим ќе играат Микел Хансен, Арон Палмарсон, Кристијан Бјорнсен и Јаспер Нилсен.