Плејмејкерот на Јувентус, Миралем Пјаниќ предупреди дека потценувањето на Манчестер Јунајтед може скапо да ја чини „старата дама“.
Улични кучиња: Системски или човечки проблем? | Уште еден поткаст
Во среда Јувентус го пречекува Манчестер Јунајтед во скоп на Лигата на шампиони и е голем фаворит, но сепак Пјаниќ тврди дека „црвените ѓаволи“ не смеат да се потценат.
„Игравме многу добро во Англија и можевме да постигнеме повеќе голови. Да се надеваме дека тоа ќе се случи во Торино. Но, не треба да заборавиме дека Манчестер е многу сериозен тим со одличен тренер“.
„Имаат фудбалери кои можат да го решат мечот во секој момент. Не треба да ги потценуваме. Нашата цел е освојување на Лигата на шампиони, но патот е долг“, заклучи Пјаниќ.