![](https://sportski.mk/wp-content/uploads/2017/09/11.09mina.jpg)
Во Барселона не го губат времето, актуелната сезона само што започна, преодниот рок неодамна заврши, а на „Камп Ноу“ веќе го обезбедија првото засилување за идната сезона.
Јери Мина е фудбалер кој игра на позицијата централен дефанзивец, има 22 години и е висок 1.95. Мина настапува за бразилскиот клуб Палмеирас, а во Барселона преминува за оштета од 9 милиони евра, иако претходно се шпекулираше дека би можел да пристигне во јануарскиот преоден рок за сума од 10 милиони евра.
Лига Нации: Се освен прво место ќе биде катастрофа за Македонија! ↓↓↓
Барселона сака дефанзивецот со кој имаат големи планови да ги помине комплетните припреми со новиот клуб, па директорот на Палмеирас Александар Матос и неговиот колега Пеп Сегура договориле овој трансфер да биде реализиран во текот на летото.
Каталонскиот гигант не сака овој фудбалер да пристигне во јануари од уште една причина. Доколку Мина направи трансфер во текот на зимскиот преоден рок би бил без одмор цели 12 месеци, од ова до идното лето.
Мина за репрезентацијата на Колумбија за која дебитираше минатата година собра девет настапи и веќе три пати се запиша во лисата стрелци.