![](https://sportski.mk/wp-content/uploads/2023/05/miovski-850x491.jpg)
Бојан Миовски и сезонава има одлични настапи во дресот на Абердин, а во изминатите неколку дена се поврзува со трансфер во Селтик кој изгледа е сериозен во намерата да го доведе.
Селтик сака да го доведе Миовски уште во јануари, а останува да видиме дали ќе успеат во нивната намера.
Лига Нации: Се освен прво место ќе биде катастрофа за Македонија! ↓↓↓
Во шкотските медиуми веќе се објавуваа и проект наречен „Селтик 2024“ , а во тој тим е и македонскиот репрезентативец.
Се споменуваше дека трансферот може да изнесува над 4.4 милиони фунти што би бил рекорден помеѓу два шкотски клуба. Сепак, сега најновите информации се дека Селтик може да понуди два милиони фунти плус играч од својот тим.
На Абердин од друга страна сезонава не му оди како претходно, а Миовски е прв стрелец на тимот со шест гола, три помалку од водечките во првенството.