Очајна статистика: Ова е доказ дека Кепа е најслаба „алка“ во Челзи

Шпанскиот голман на голот на Челзи, Кепа Аризабалага често пати е на мета на критики на јавноста на Островот поради неговите бледи настапи.

Челзи предводен од новите играчи вчера немаше проблеми на гостувањето во Брајтон и славеше победа со сигурни 1:3. Головите за тимот на Френк Лампард ги постигнуваа Жоргињо, Џејмс и Зума, додека голот за утеха кај домаќините го постигна Тусард.

Англичаните едноставно се мајстори за статистика и тешко може да им „избега“ интересен податок. Така британскиот новинар Ричард Џоли забележа податок дека голманот на Челзи Кепа Аризабалага сметајќи го и финишот од минатата сезона од последните 13 удари кон неговиот гол примил дури девет голови.

Во споменатата статистика покрај вчерашниот натпревар влегоа и двата последни натпревари од претходната сезона. Натпреварот со Ливерпул 5:3 и со Шефилд 0:3.