Официјално: Абидал се враќа во Барселона како директор!

Раководството на Барселона денес официјално објави дека Ерик Абидал се враќа во клубот и ќе добие раководна функција.

Поранешниот дефанзивец на Каталонците ќе ја преземе функцијата на технички секретар, наследувајќи го тоа место од Роберт Фернандес.

Договорот на Фернандес истекуваше во крајот на јуни, па нема да биде продолжен, а на негово место во фотељата ќе седне Ерик Абидал, официјално на 18-ти јуни.

Назначувањето на Абидал е големо изненадување бидејќи тој во 2015 година застана зад кандидатурата на Жоан Лапорта, но на претседателските избори победи Бартомеу.

Фернандес во последните три години ја водеше траснсфер политиката на клубот од „Камп Ноу“, но беше многу критикуван за својата работа.

Абидал шест сезони помина како фудбалер на Барселона и меѓу другите освои 4 титули во Примера и 2 во Лигата на шампиони.

[BREAKING NEWS] @EAbidalOfficial will be the new first team technical secretary at FC Barcelona. More details ? https://t.co/6nWHlp2VNv

— FC Barcelona ?? (@FCBarcelona) June 7, 2018