Дома Трансфер зона Ова лето никој не заработи како Атлетико Мадрид

Ова лето никој не заработи како Атлетико Мадрид

0

Се чини дека ниту во еден клуб ова лето не беше толку прометно како во Атлетико Мадрид.

Иако Јорганџиите претходните години немаа бурни преодни рокови, особено поради забраната на ФИФА за донесување играчи, ова лето сепак тоа е надоместено.

Екипата која од клупата ја предводи Диего Симеоне ги продаде скоро сите најдобри играчи, но и донесе неколку квалитетни имиња.

Ванда Метрополитано го напуштија Антоан Гризман, Лукас Хернандез, Родри, Мартинс, Лусиано Вието, Бернард Менса, Хуанфран, Филипе Луис и Диего Годин. Клубот од нивната продажба заработи вкупно 280 милиони фунти и тешко е да се верува дека тоа ќе биде надоминато.

Сепак, мадридскиот клуб не седеше со скрстени раце, па на местото на споменатите фудбалери донесоа нови и не штедеа пари.

Најголемо засилување за клубот ова лето секако е Португалецот Жоао Феликс кој стигна за 113 милиони фунти. Освен него пристигнаа Маркос Љоренте, Фелипе, Ренан Лоди, Иван Шапоњиќ, Николас Ибанез и Хектор Ерера, а клубот потроши вкупно 176 милиони фунти.

Се очекува дека Атлетико овде нема да застане и до почетокот на новата сезона ќе донесе уште неколку нови фудбалери.

Коментари
Advertisements
Прочитајте поврзани статии
Load More In Трансфер зона

Проверете

ТРАНСФЕРИ ВО ЖИВО: Нејмар е главна тема, Милан носи големо засилување

Влегуваме во последната недела од преодниот рок, а нашата редакција навремено ве известува…