„Обамејанг не остави поради пари, ама ЛШ гледа на телевизија“

Директорот на Борусија Дортмунд, Јоаким Вацке го „пецна“ Обамејанг затоа што ги напушти „милионерите“ и се пресели во Арсенал.

Пјер Емерик Обамејанг пред  две години ја напушти Борусија Дортмунд и се пресели во Арсенал, но очигледно во германскиот клуб се уште не му простиле за тоа.

Генералниот извршен директор, Јоаким Вацке го „пецна“ напаѓачот поради фактот што не игра во Лигата на шампиони со Аренал.

„Обамејанг кој е многу добар во Арсенал, веројатно е среќен кога ќе си ја погледне сметката, но во среда ќе гледа Лига на шампиони на телевизија, и сигурно ќе биде тажен поради тоа“, изјави Вацке.