Не може да го поднесе! Скандалозна изјава на Алегри за Влаховиќ!

Синоќа фудбалерите на Јувентус најверојатно се збогуваа со титулата за оваа сезона.

„Старата дама“ на домашен терен беше поразена од Удинезе со 1:0 и сега има седум бода помалку и натпревар повеќе од водечкиот Интер.

На натпреварот против екипата на Удине отсуствуваше најдобриот стрелец на црно-белиот тим Душан Влаховиќ.

Тренерот на Јувентус, Масимилијано Алегри искористи уште една прилика да го понижи српскиот напаѓач.

Имено, на новинарско прашање дали отсуството на Влаховиќ влијаело на ефикасноста на тимот, тој го изјави следново.

Не го почувствувавме неговото отсуство. Добивме многу натпревари без него. Го имаме Милик и други големи играчи – изјави Алегри.

Прашање е до кога италијанскиот стручњак ќе го има овој став за најдобриот стрелец на својата екипа, без кој Јувентус веројатно би бил во грчевита борба за Лигата на шампионите.