Новиот потег на управата на Милан ја одлучи иднината на Модриќ!?

Милан ја заврши сезоната под очекувањата, што донесе серија големи промени во клубот и нов бран турбуленции на „Сан Сиро“.

По разочарувачкиот крај на кампањата, раководството на „росонерите“ реши да реагира со драстични чекори, па меѓу првите потези беше и разделбата со тренерот Масимилијано Алегри. Покрај тренерската смена, следеа и дополнителни промени во спортскиот сектор, со цел клубот да се врати на победничките патеки.

Новата управувачка структура веќе подготвува реконструкција на тимот, особено по неуспехот да се обезбеди место во Лигата на шампионите, што се смета за сериозен удар за амбициите на клубот.

Во тој контекст, се отвораат прашања околу иднината на дел од играчкиот кадар, а едно од најзвучните имиња е Лука Модриќ.

Искусниот хрватски плејмејкер има договор со Милан до 30 јуни, но засега нема информации дека новата управа планира да започне преговори за продолжување на соработката. Тоа отвора можност за негово заминување, доколку двете страни не најдат заеднички јазик во наредниот период.