Ова е планот на Керик: Првото засилување е познато, треба да пристигнат уште четворица

Манчестер Јунајтед ја заврши работата околу трансферот на играчот од средината на теренот од Аталанта, Едерсон, кој ќе биде прво засилување на Керик ова лето.

„Црвените ѓаволи“ се вратија во Лигата на Шампионите и по одличната сезона со само 40 одиграни натпревари, им е јасно дека треба да ги засилат своите редови. Ќе им бидат потребни повеќе фудбалери за успешно да се справат на четири фронта.

Бразилецот од Аталанта ќе чини околу 35 милиони фунти, а клубот е во потрага по уште средни фудбалери. На радарот се Елиот Андерсон, Карлос Балеба и Матеус Фернандес, како и Орелиен Чуамени од Реал.

Двајца од овие кандидати би можеле да се приклучат на екипата на Манчестер Јунајтед, а клубот исто така е во потрага по напаѓач, бидејќи е јасно дека Хојлунд повеќе нема да биде нивни член следната сезона. Потенцијални цели?

Виктор Осимен е сон, а опциите на масата за Керик вклучуваат Матета, Крупи, како и Левандовски и Влаховиќ, кои не бараат обештетување.

Клубот има обврска да се фокусира и на лев бек, а Луис Хол од Њукасл е првата мета, но Керик исто така планира да воведе млади играчи од академијата во првиот тим.

Касемиро замина, а со него се очекува клубот да го напуштат уште и Онана, Рашфорд, Зиркзе, Гарте и Санчо.