Нејмар во конфликт со првиот човек на ПСЖ поради Дани Алвес?

По се што се пишуваше во медиумите од кога Нејмар пристигна во ПСЖ можеше да се заклучи дека Бразилецот е во одлични односи со првиот човек на клубот Насер Ал Келаифи.

Меѓутоа нивниот однос сега наиде на вистински тест. Тензии се подигнале помеѓу Нејмар и Ал Келаифи и тоа поради Дани Алвес.

Нејмар со поддршка од Томас Тухел, наводно започнал разговор со Ал Келаифи за нов договор.

Договорот на искусниот бек со ПСЖ истекува во јуни, а Парижаните наводно му понудиле едногодишен договор во кој примањата ќе му зависат од бројот на одиграни натпревари.
Алвес одбил таков договор и заканил со заминување после завршувањето на сезоната.

Нејмар наводно барал од Ал Келаифи да го задржи Алвес во клубот бидејќи подобро се чуствува во Париз кога неговиот пријател е тука. Тухел исто така застанал на страна на 35 годишниот Бразилец и на управата на на клубот им порачал дека Алвес е важен дел од тимот.