Нани: Фергусон ни дозволуваше да одиме пијани на тренинг

Поранешниот фудбалер на Манчестер Јунајтед, Нани откри интересни детали од неговиот престој на „Олд Трафорд“ како и за односите со легендарниот Алекс Фергусон.

„Никогаш немав ниту еден проблем во тимот. Често излегував навечер, но само кога имавме ден за одмор. На одредени денови како Божиќ или Нова Година во Англија на никого не му е гајле што си правел претходната вечер. Во тие моменти можевме да се појавиме пијани на тренинг и Фергусон ни дозволуваше“, изјави Нани.

„Сега не правам такви работи, бидејќи за да играш на високо ниво треба да се откажеш од некои нешта. Во Англија тоа е дел од магијата и Фергусон знаеше кога треба да прогледа низ прсти“, додаде Португалецот.