Почина човекот поради кого беа воведени картоните на фудбалските натпревари

Поранешниот капитен на аргентинската фудбалска репрезентација, Антонио Ратин, почина во 89. година, објавија од аргентинскиот сојуз.

Овој легендарен играч од средниот ред остави огромен белег во аргентинскиот фудбал, особено играјќи за дресот на Бока Јуниорс, а еден специфичен инцидент во кој учествуваше засекогаш ги измени правилата на играта.

Конкретно, Ратин настапи за Аргентина на Светското првенство во Англија во 1966 година, каде што беше капитен на тимот.

Во четвртфиналниот натпревар против домаќинот Англија, што Аргентина го изгуби со 1:0, германскиот судија Рудолф Крајтлајн го исклучи од игра.

Antonio Rattin, one of Argentina’s greatest midfielders, had died at the age of 89.

He refused to leave the pitch after being dismissed in the quarter-final of the 1966 World Cup, saying he did not understand the German referee – this led Fifa to introduce the yellow and red… pic.twitter.com/oLPbvgAMUv

— Match of the Day (@BBCMOTD) July 11, 2026

Ратин неколку минути одбиваше да го напушти теренот на Вембли, откако изјави дека не го разбрал судискиот збор, бидејќи судијата не зборувал шпански.

Токму оваа ситуација ја поттикна ФИФА за следното Светско првенство да воведе жолти и црвени картони за да се избегнат можни јазични недоразбирања.

Ратин целата своја играчка кариера, од 1956 до 1970 година, ја помина во дресот на Бока Јуниорс, освојувајќи четири титули шампион на Аргентина.

Во почетокот на 1980-тите кратко се проба во тренерските води, а потоа се посвети на политиката, каде беше избран за член на долниот дом на аргентинскиот парламент.