Мурињо: Против Севиља не можеме да постигнеме шест гола, за тоа треба да ги имате Роналдо или Меси

Maнчестер Јунајтед вечерва на „Рамон Санчез Пизхуан“ ќе игра против Севиља во 1/8 финалето од Лигата на шампионите.

„Црвените ѓаволи“ пред натпреварот ја имаат улогата на фаворит и доколку ја оправдаат ќе се изборат за влез помеѓу осумте најдобри во Европа. За таа цел вечерва најпрво ќе мораат да остварат добар резултат во пресрет на реваншот, а тоа нема да биде ниту малку лесна задача.

„Не мислам дека можеме на Севиља да и дадеме шест погодоци. За тоа да го направите во својот тим треба да имате еден од Роналдо или Меси, но и да биде во најдобра форма. Исто така, Монтела е Италијанец, а тренерите од таа земја знаат како да се бранат“, изјави Мурињо

Натпреварот помеѓу Севиља и Манчестер Јунајтед се игра вечерва со почеток во 20:45 часот.