Мурињо на конференција пред натпреварот против Јувентус, а за Италијанците скоро и да не зборуваше

На конференцијата за новинари во Манчестер пред натпреварот против Јувентус најмалку се зборуваше за Италијанците.

Како и што веќе навикнавме на конференцијата на Јунајтед внимание привлекуваа некои други работи, а една од таквите е судирот кој Жозе Мурињо го имаше со еден од помошниците на Маурицио Сари во претходниот дерби натпревар против Челзи.

Еден од асистентите на Сари го прослави голот буквално пред Португалецот, на што Мурињо не можеше да се воздржи и тргна физички да се пресмета.

Мурињо и после натпреварот изјави дека добил извинување, а и оваа прилика ја искористи да истакне дека помеѓу нив нема „зла крв“.

„Не заслужува ништо повеќе од тоа што го доби, се извини и заслужува втора шанса. Призна дека погрешил и не сакам да бидам пречка во неговата кариера. Тоа е тоа“, заклучи „Специјалниот“.

Мурињо исто така потврди дека на утрешниот натпревар сигурно нема да настапи на Санчез, што и можеше да се очекува после проблемот кој Чилеанецот го направи денес.

Натпреварот на „Олд Трафорд“ се игра утре со почеток во 21:00 часот.