Милан на чекор до уште едно големо засилување

Гонзало Игуаин нема да биде единствено засилување во нападот на Милан. „Росонерите“ се на чекор од уште едно големо засилување.

„Газета дело Спорт“ пренесува дека Милан е силно заинтересиран за Бразилецот Бернард и веќе се во поодминати преговори за негов трансфер на „Сан Сиро“.

Бернард е слободен агент откако му заврши договорот со Шахтјор, а неговиот агент моментално е во Милано и вчера имаше состанок со Леонардо.

Медиумите тврдат дека Бернард го избрал Милан и дека во наредните денови ќе бидат договорени последните детали од договорот.

Бразилецот терба да потпише 4-годишен договор со „росонерите“ според кој ќе заработува 3,5 милиони евра по сезона.

Милан беше во потрага по крилен напаѓач, а 25-годишниот Бразилец би се вклопил одлчно со оглед на фактот дека може да игра и на левата и на десната страна.