Милан го губи трпението со Пјонтек: Можна размена со Евертон?

Милан и Евертом би можеле да направат размена во јануари.

Евертон според извештаите на италијанските медиуми можно е во јануари да направи голема замена на своите играчи со играчите на Милан.

„Калчомеркато“ пишува дека тимот од „Гудисон Парк“ може да им го понуди Моисе Кин на Милан во замена за полскиот напаѓач Пјонтек.

Младиот Кин ова лето пристигна од Јувентус во Евертон за 27.5 милиони евра, но се засега се покажува како целосно промашување.

Од почетокот на сезоната 19-годишниот фудбалер има одиграно 11 натпревари за англискиот клуб, но сеуште нема постигнато погодок и поради тоа јасно е зошто тој може да го напушти клубот во јануари.

Од друга страна, на Пјонтек оваа сезона не му оди како што беше случај кога пристигна во Милан од Џенова. Пјонтек оваа сезона на 12 натпревари за Милан постигна три погодоци.

Италијанските медиуми неодамна објавија и дека Милан го губи трпението со него, па размена со Кин кој играше добро во Серија А во Јувентус за „росонерите“ би можела да биде примамлива понуда.