Меси ги наброја спортистите на кои им се восхитува, меѓу нив и Роналдо

Лионел Меси призна дека му се восхитува на Кристијано Роналдо, својот најголем фудбалски ривал.

Меси и Роналдо со години водеа битка во Шпанија, сега се во различни лиги. Аргентинецот остана во Барселона, а Роналдо веќе некое време игра за Јувентус.

„Има многу спортисти на кои им се восхитувам. Рафаел Надал, Рожер Федерер, Леброн Џејмс. Во сите спортови постојат спортисти на кои сите им се восхитуваме.“ – рече Меси и додаде:

„Кристијано Роналдо е уште еден таков пример во фудбалот. Се восхитувам на таквите луѓе.“

Од 2008. година Роналдо и Меси заедно освоија 11 Златни топки.