Меморијален турнир во кошарка во чест на Горан Димоски

Меморијален турнир во кошарка во чест на прерано починатиот Горан Димоски ќе се одржи од петок до недела во спорската сала „Македонско Сонце“ во ОУ „11 октомври“ во општина Ценар.

На турнирот ќе учествуваат 20 екипи и ќе се одвива по формат и правила на ФИБА 3х3.

Горан Димоски беше роден во Скопје на 3 јануари 1996. Студираше на Американ колеџ во Скопје. Почина трагично на 3 март годинава.

„Тој го сакаше спортот со кој и се бавеше аматерски, особено кошарката. Беше хуман човек кој несебично им помагаше на сите оние на кои им беше потребна помош. Беше голем другар и беше секогаш тука за своите пријатели“, истакнаа организаторите на турнирот.