Манчестер победи на гости во Европа после 2013, Мурињо задоволен!

Манчестер Јунајтед синоќа ја победи Зорија со 2:0 и со тоа го обезбеди своето место 32-те екипи кои ќе играат во елиминациската фаза од Лига Европа.

За „црвените ѓаволи“ тоа беше прва гостинска победа во Европа уште од ноември 2013 година кога го победија Баер Леверкузен.

Првиот гол го постигна Михтарјан, скапото засилување на Мурињо кој беше жестоко критикуван на почетокот на сезоната, а Муроњо истакна дека многу се радува за него.

„Тој покажа карактер. Тој сакаше да се бори со тешката адаптација. Хенрик работи напорно како на физички, така и на тактички план. Сите го гледаме неговиот талент, знаевме дека го има, уште кога го купивме. Сега игра добро како во Премиер лигата, Лига Европа и Лига Купот, а голот значи повеќе среќа за него. Многу сум задоволен“, прокоментира Мурињо.