Македонија со пораз од Естонија го почна настапот во Европската златна лига

Македонските одбојкари со 3-1 во сетови беа поразени од Естонија во првиот меч од Европската златна лига кој се играше во Струмица.

Иако победата на противникот е убедлива, се чини дека тимот на селекторот Хари Наковски имаше шанси да извлече поповолен резултат.

Естонија подобро го отвори натпреварот и го доби првиот сет со 25-23. Македонија одигра доминантен втор сет  со што израмнивме на 1-1.

Во следните два сета Македонија губеше  клучни поени  и загуби со 3:1, па поправен ќе треба да се бара задутре против Чешка, истотака во Струмица.