Перес подготвува сензационална понуда за Олис која може да го сруши рекордот на Нејмар

Претседателот на Реал Мадрид, Флорентино Перес, подготвува сензационална понуда за ѕвездата на Баерн Минхен и Франција, Мајкл Олис.

Според „Спорт“, понудата може да достигне вкупна вредност од 223 милиони евра, што би значело дека ќе го подобри рекордниот трансфер на Нејмар. Во 2017 година, Бразилецот премина од Барселона во Пари Сен Жермен за 222 милиони евра, што сè уште е најголемата трансферна зделка во историјата на фудбалот.

Сумата ќе биде распределена на следниов начин – 190 милиони веднаш, плус 33 милиони како бонуси.

Уште за време на својата кампања за последните претседателски избори, Перес објави дека ќе ја поднесе најголемата понуда во историјата на Реал Мадрид и истата ќе биде за голема европска ѕвезда. На почетокот се тврдеше дека предложената сума ќе биде околу 150 милиони, но очигледно амбициозниот претседател на Реал е подготвен да ја зголеми понудата, поради два последователни сезони без трофеј и активноста на Барселона на трансферниот пазар ова лето.