Диоманде исклучен од светот – еве што вели за трансферот!

Репрезентативецот на Брегот на Слоновата Коска и фудбалерот на РБ Лајпциг, Жан Диоманде не сака да размислува за својот летен трансфер, туку е целосно фокусиран на Светското првенство.

Брегот на Слоновата Коска игра против Норвешка во осмина-финалето на Светското првенство, а првата ѕвезда на тимот е младиот десен крилен напаѓач на Лајпциг, Жан Диоманде, за кого се интересираа европските гиганти.

Ливерпул веќе не е во игра, а во моментов изгледа дека патот е прилично јасен и води кон Париз. 

Најмногу му се допадна проектот на Пари Сен Жермен и сега останува клубовите да се договорат околу обесштетувањето кое ќе биде повеќе од 100.000.000 евра. 

Пред Мундијалот ги избриша сите социјални мрежи за целосна концентрација на турнирот, но сепак откри дека заминува од Германија.

„Вие сте тие што ме информираат моментално. Веќе немам Инстаграм, немам ТикТок. Мојот агент е тој што разговара со клубот, немам никакви информации. Очекувам да заминам, секако, но не сакам да зборувам за тоа, дури ниту со мојот агент, бидејќи шансата да се игра на Светското првенство се дава на секои четири години. Целосно сум фокусиран и сакам да ја напишам историјата со мојата земја и да дадам сè од себе”, изјави Диоманде.