Лина Ѓорческа реди победи во Анталија

Македонската тенисерка Лина Ѓорческа успеа да извојува уште две победи денеска на турнирот во Анталија, откако обезбеди финале во дабл и полуфинале во сингл-конкуренција.

Македонската тенисерка експресно со само три загубени гема ја победи бугарската тенисерка Петја Аршинкова, победувајќи ја со 6-1, 6-2 за да стигне во полуфиналето и сега ќе се соочи со Магдалена Пантуцкова од Чешка.

Ѓорческа имаше одличен настап и во дабл-конкуренција заедно со Маријана Дражиќ од Хрватска, па тие со 2-0 во сетови, односно 6-3 и 6-4 славеа против Жени Дуерст и Џоана Гаспар.

Македонската тенисерка е втора носителка на турнирот вреден 15.000 долари