Летната распродажба во Реал треба да донесе 180 милиони

Актуелниот шпански шампион Реал Мадрид ова лето планира да се ослободи од неколку фудбалери, кои не влегуваат повеќе во плановите на Зинедин Зидан.

„Марка“ открива дека целта на раководството е од продажба на тите фудбалери да добие 180 милиони евра.

Реал веќе доби 43 милиони евра од трансферот на Хакими во Интер. Од „Сантиаго Бернабеу“ се спремни да се разделат со Хамес Родригез и Герет Бејл, а на трансфер листата се Оскар Родригез, Себаљос, Маријано Дијаз, Брахим Дијаз, Регилон, Мартин Одегард, Лукас Васкез, Начо и Даниел Гомес.

Реал Мадрид донесе одлука да не го продава Лука Јовиќ кој минатото лето беше донесен за 60 милиони евра од Ајнтрахт. Тренерот и раководството се спремни да му дадат уште една шанса на напаѓачот.

„Марка“ тврди дека и планот да биде исполнет, сепак Реал не планира големи трансфери ова лето.