Пристигна потврда: Грчки тим го сака Јокиќ

Кошаркарскиот клуб Панатинаикос изрази желба да го ангажира Никола Јокиќ ова лето, откри во интерјувот за Евроинсајдерс првиот човек на “зелените” Димитрис Јанакопулос.

“Играчот за кого сонувам да го доведам, а сè уште не сум го потпишал: ќе го потпишам следната сезона. Проблемот е што веќе имам тројца играчи со тригодишни договори на таа позиција. Каде ќе игра? Тоа го размислував синоќа. Тоа е Јокиќ: најдобриот играч во светот. Не се смејте воопшто.

Ако не го доведам Јокиќ, не одам никаде. Оваа година се обидов да дадам понуда. Побарајте го Мишко Ражнатовиќ и прашајте го. Луѓето ќе кажат дека се шегувам, но оваа година дадов многу сериозна понуда и на неговиот тим и на него. Беше одбиена”, рече Јанакопулос.

Грчките медиуми веднаш го контактираа Мишко Ражнатовиќ кој потврди дека тие зборови се вистинити.