Мaреска за 100 милиони евра го доведува “чудото од дете”!

Манчестер Сити е блиску до реализација на голем трансфер и доведување на еден од најталентираните млади играчи за врска во европскиот фудбал. Според информациите од белгискиот новинар Саша Таволиери, англискиот гигант интензивно работи на трансферот на Ајууб Буади од Лил.

Буади, кој настапува за Лил, веќе има привлечено големо внимание со својата игра и токму поради тоа, потенцијалниот трансфер во Манчестер Сити претставува потег што би можел да ги означи значајните потези на англискиот клуб во тековниот преоден рок.

Според тврдењата на Таволиери, преговорите се во фаза каде што Манчестер Сити е близу до завршување на договорот за доаѓање на младиот француски играч за врска, што покажува дека трансферот е влезен во завршна фаза.

Особено внимание привлекува финансиската вредност на потенцијалниот трансфер, бидејќи Лил, според истиот извор, треба да добие околу 100 милиони евра за Буади.

Се работи за огромна сума за млад фудбалер, но и за јасен показател колку Манчестер Сити верува во неговите квалитети и потенцијал кој би можел да се развие во следните години на Етихад.

За Лил, евентуалното заминување би било голема загуба на спортски план, особено ако се земе предвид фактот дека станува збор за играч за кого пазарот веќе проценува исклучително висока вредност.

Сепак, 100 милиони евра претставуваат сума која на францускиот клуб би му донела огромна финансиска корист и можно отворање простор за нови инвестиции во екипата.