Ландин најде оправдување: Бевме уморни, а потоа дојде нервозата

Македонија денес дојде до сензационална победа против Данска од 29:33.

Данска денес не личеше на себе, а ние бевме се спротивно од она што репрезентацијата го играше на првенството во Египет.

Голманот на Данска, Никлас Ландин најде оправдување и после натпреварот истакна дека проблем во нивната репрезентација бил заморот.

„Мислам дека не можеме да избегаме од тоа бевме уморни, барем јас тоа го видов. Ни недостасуваше подготвеност, некако брзо изгоревме во борбата. Потоа дојде нервозата и не можевме да се вратиме“, изјави Ландин по натпреварот.

Ландин во денешниот натпревар имаше само четири одбрани.