Како се однесувал Ибрахимовиќ во соблекувалната по поразот од Интер?

Mилан вчера беше поразен во дербито против Интер со убедливи 3:0.

Златан Ибрахимовиќ на стартот од вториот дел имаше две добри прилики, но не успеа да го совлада Хандановиќ.

Стефано Пиоли го извади од игра кон средината на вториот дел, а после натпреварот Ибрахимовиќ не сакаше да дава изјави за медиумите.

Италијанските медиуми ги интересираше како се однесувал Ибра во соблекувалната, тоа им го открил Франк Кеси.

„Ни кажа дека таков е фудбалот, дека боли кога ќе изгубите, но и дека мораме да ја подигнеме главата и да продолжиме понатаму“, ги пренесе Кеси зборовите на Ибрахимовиќ.

Милан сега е на -4 од Интер во трката за Скудетото.