Како би можел да изгледа составот на Барса со Пјаниќ?

Миралем Пјаниќ вчера и официјално стави потпис на договор со Барселона.

Репрезентативецот на БиХ со Барса потпиша соработка на четири години со откупна клазула од 400 милиони евра. Пјаниќ на Каталонците ќе се придружи кон крајот на август кога ќе ја заврши сезоната со Јувентус.

Барселона одлучи да го освежи средниот ред бидејќи Артур Мело замина во Јуве како дел од трансферот на Пјаниќ, а на крајот од сезоната се очекува клубот да го напушти и Иван Ракитиќ.

Исто така, прашање е дали ќе остане и Артуро Видал, но јасно е дека во средниот ред ќе има уште засилувања. Сепак, многумина веруваат дека Пјаниќ ќе има простор да игра иако конкуренцијата е голема.

Медиумите во Шпанија веќе шпекулираат за тоа како би можела да изгледа екипата на Барселона во следната сезона, а составот го направиле од играчи кои моментално се членови на клубот.