И покрај катастрофалните бројки Јунајтед не помислува да го отпушти Солскјер?

Поразот од Њукасл на „Сент Џејмс Парк“ со резултат 1:0 доведе до тоа Манчестер Јунајтед да го има најлошиот старт во Премиер лигата во последните 30 години.

Тимот од „Олд Трафорд“ после осум одиграни кола има само девет освоени бодови и се наоѓа на 12-тата позиција на табелата, а зад водечкиот Ливерпул заостанува 15 бодови.

Јунајтед се мачи оваа сезона и тоа е очигледно, а Оле Гунар Солскјер никако не успева да ја пронајде добитната комбинација и да оствари неколку врзани победи.

Поради сето тоа Норвежанецот ја изгуби довербата кај навивачите на Јунајтед и поголем процент сакаат да замине, сепак изгледа од тоа нема да биде ништо.

Имено, англиските медиуми наведуваат дека извор од клубот им соопштил дека Солскјер и понатаму ја целосната поддршка од семејството Глејзер и потпретседателот Ед Вудвард.

Исто така се наведува дека позицијата на Солскјер не е загрозена бидејќи во клубот веруваат во неговата долгорочна програма.

Ed Woodward and Glazer family respond to Man Utd's defeat to Newcastle #mufc #ManUtd https://t.co/MAAULD1tSy

— Man Utd Latest (@ManUtdLatestCom) October 7, 2019