За Меси и Роналдо нема место во тимот од соништата на Кројф

Младите фанови на најважната споредна работа на светот можеби ќе бидат разочарани кога ќе дознаат дека во најдобриот фудбалски состав на сите времиња според фудбалската легенда Јохан Кројф нема место за играчишта како Лионел Меси и Кристијано Роналдо.

Замислата за најдобрите единаесетмина на фудбалскиот терен според стандардите и вкусот на еден од најдобрите фудбалери на сите времиња, пред неколку месеци починатиот Јохан Кројф, е извадена од неговата автобиографија која наскоро треба да се најде во продажба достапна за јавноста.

Дрим-тимот на Кројф во целосен состав изгледа вака: Лев Јашин на голот, Каролс Алберто, Франц Бекенбауер и Руд Крол во одбрана, Алфредо ди Стефано, Пеп Гвардиола, Боби Чарлтон и Гаринча среден ред, и најистурени во нападот се Диего Марадона, Пеле и Пит Кајзер.