Де Геа слободно може да замине, Јунајтед му најде замена

Се почесто во медиумите се пишува за заминување на Давид Де Геа од Манчестер Јунајтед, а сегашниот голман на Шефилд кој е позајмен од „Олд Трафорд“ веќе истакна кандидатура за наследник на Шпанецот.

Де Геа би можел да се најде на излезни врати од Манчестер Јунајтед ова лето. Една од причината е собирање на финансии за летниот преоден рок, а од друга страна го имаат и Дин Хендерсон кој веќе се смета за идна ѕвезда на англискиот фудбал.

„Црвените ѓаволи“ го следат Хендерсон кој е на позајмица во Шефилд. Младиот голман со добрите настапи му помогна на овој тим во овој момент да биде на седмото место во Премиер лигата. Статистички гледано тој е еден од најдобрите голмани во Премиер лигата.

Договорот на Де Геа со Јунајтед има важност до 2023 година и оваа сезона не е нивото од претходните кога беше најдобар поединец на „ѓаволите“.