Ѓорческа сигурна на стартот во Анталија!

Најдобрата македонска тенисерка Лина Ѓорческа со сигурна победа го започна настапот на Челинџерот во Анталија.

Тетовчанката во првото коло без поголеми проблеми ја совлада српската тенисерка Миа Ристиќ со 2-0 во сетови со 6-1 и 6-3. Ѓорческа до триумфот стигна за еден час и 26 минути игра.

Првиот сет беше решен за 39 минути, во кои македонската тенисерка загуби само еден гем. Во вториот сет Ристиќ пружи поголем отпор, но Ѓорческа повторно беше подобра и со 6-3 го завери пласманот во следната рунда.

Од друга страна, македонскиот тенисер Олег Приходко не успеа да го мине првото квалификациско коло на Челинџерот во австрискиот Тулн.

Приходко по еден час и 31 минута игра загуби од Чехот Даниел Синиаков со 0-2 во сетови. Синиаков првиот сет го доби со 6-2, додека во вториот беше подобар со 6-4, со што го прекина настапот на македонскиот претставник на турнирот.