Сезоната започна импресивно за Рома со три последователни победи, што ги разгоре надежите за Скудето. Меѓутоа, искусниот стратег Џан Пиеро Гасперини е свесен дека на „волчицата“ и се потребни уште засилувања за да ја освои Серија А.
Со оглед на тоа дека трансфер пазарот во Италија е завршен, Рома може да потпишува само со слободни играчи. Еден таков фудбалер е Џејдон Санчо од Англија, кој веќе некое време предизвикува интерес кај Тригорија.
Летово Санчо остана без договор со Манчестер Јунајтед, кој се обиде да ја оживее кариерата на овој некогашен талентиран играч преку можни трансфери во Борусија Дортмунд, Челзи и Астон Вила.
На „Олд Трафорд“ решија да му направат крај на некогашниот ученик на Сити, кој пред неколку дена се поврзуваше со можен трансфер во Палмейрас, но до договор не дојде.
Сега е вистинскиот момент за Рома, и се чини дека Санчо повеќе од било кога му е потребна рака од „волчицата“, како и на клубот играч со ваков калибар за да ја врати кариерата на вистинскиот пат.
Бидејќи доведувањето на Санчо е своевиден ризик за Рома, они планираат неговата плата да биде базирана на променлива основа, односно наместо фиксна плата, финансиските обврски да се засноваат на неговиот учинок.
Ќе видиме како овој предлог ќе го прифати Санчо, кој е свесен дека нема премногу опции, бидејќи веќе два месеца е без клуб.
Учество во игри на среќа е дозволено за лица со 18+ години. Играј одговорно!