Денот кога Чупиќ ги расплака ѕвездите на ПСЖ на седум секунди до крајот (ВИДЕО)

На денешен ден пред три години во „Ланксес Арената“ во Келн Вардар ја освои првата европска титула.

Тој ден Македонија по титулата на Кометал Ѓорче Петров во 2002 година доби и европски шампион во машка конкуренција.

Вардар во финалето во еден драматичен натпревар го победи Парис Сен Жермен со 24:23. До крајот останаа само секунди и многумина веројатно помислија дека натпреварот ќе оди во продолжение, но тогаш Иван Чупиќ го матираше големиот Омејер.