Левиот бек на Барселона, Алехандро Балде, му дал овластување на својот агент Жорже Мендеш да преговара со Манчестер Јунајтед за можен трансфер.
Шпанскиот репрезентативец, кој повремено го носи дресот на националниот тим, е подготвен да го засили редовите на Олд Трафорд, но само доколку од Барселона му кажат дека не е во нивните планови. Во спротивно, неговата желба е да остане во клубот каде што од 2011 година работел напорно за да стигне до првиот тим.
Со Барселона, Балде одигра 168 натпревари и освои три првенствени титули. Неговиот договор е до летото 2028 година, а Трансфермаркт го проценува на 50 милиони евра. На отворањето на сезоната против Елче (победа на Барса со 5:0) тој не беше дел од тимот.
Коментари
Учество во игри на среќа е дозволено за лица со 18+ години. Играј одговорно!