Тони Крос нема дилема кога е во прашање овогодишниот избор за „Златната топка“. Германската фудбалска легенда смета дека престижното признание треба да заврши во рацете на грузискиот репрезентативец Квича Кварацхелија.
„Златната топка треба да му припадне на Квича Кварацхелија. Веројатно нема да ја освои, но без никакво двоумење, тој е број еден“, истакна Крос.
Крос своето мислење го темели и на влијанието што го имаа најдобрите фудбалери на последното Светско првенство, посочувајќи дека Меси, Џуд Белингем, Килијан Мбапе и Родри имаа просечни клупски сезони.
Според него, Кварацхелија се издвојува со своите настапи на највисоко ниво.
„Најдобрите играчи на Светското првенство беа Меси, Џуд, Мбапе и Родри, но тие имаа просечни клупски сезони. Квара беше најдобриот играч од моментално најдобриот клуб во светот“, порача Крос.
Изјавата на Крос дополнително ја разгоре дебатата околу тоа кој заслужува да ја освои „Златната топка“, а Кварацхелија очигледно има голем поддржувач во германската фудбалска ѕвезда.
Учество во игри на среќа е дозволено за лица со 18+ години. Играј одговорно!