Го платија 40 милиони, а заминува после само 6 месеци

Хенрих Михтарјан ова лето пристигна во Манчестер Јунајтед како големо засилување од Борусија Дортмунд, но медиумите пишуваат дека веќе во јануарскиот преоден рок би можел да го напушти „Олд Трафорд“.

Иако за неговиот потпис плати 40 милиони евра, сепак Мурињо нема голема доверба во Михтарјан и му дава мала минутажа од почетокот на сезоната.

„Сан“ утринава пренесува дека Михтарјан по шест месеци би можел да го напушти „Олд Трафорд“, и дека веќе во јануари би можел да ја промени средината.

Како што се наведува, тој им признал на челниците на клубот дека не е задоволен со својот статус во тимот и му пречи фактот што на само еден дуел од стартот на сезоната бил на списокот стартери.

Медиумите на Островот се сигурни дека нема долго да се чека на понуда за Мхитарјан, и дека големи европски гиганти ќе застанат во ред за овој фудбалер, а пред се како најзаинтересиран се наведува италијански Јувентус.